Notte di Natale

"Dorma bellizza mia, dorma e riposa

Chiuda a vuccuzza ca para na rosa,

Dorma squetatu, ca te guardu io

Zuccaru mio.

Dorma e chiuda l'occhiuzzu tundu tundu,

Ca quandu duarmi tu, dorma llu mundu

Dorma llu mare, dorma lla tempesta,

Dorma llu viantu e dorma lla foresta.

U suannu è jutu a cogliere jurilli

Ppe fare na curuna a ssi capilli,

E sta vuccuzza e milu cannamele

T'unta ccu mele.

Ccu n'acu mmanu è jutu supra a luna

A cusire li stilli ad una ad una,

Pue te le mminta ncanna ppe jannacca,

E cci l'attacca."

Vincenzo Padula

Il Presidente, il Consiglio Direttivo e tutti gli Associati
Vi augurano Buon Natale di cuore.